تشيكن كورما اطيب اكلة هندية لذيذة جدا

المأكولات الهندية تتميز بتوابلها الذيذة حيث يفضلها الكثير من الناس في الوطن العربي بشكل عام ,اليوم سنقدم لكم وصفة شهية تعتمد على الدجاج بشكل اساسي مع النكهة الهندية المميزة .

الطريقة: هذه المقادير لكيلو فيليه دجاج ..
بقدر كبير على النار نضع ٣ ملاعق سمنة كبار مع شوية زيت نباتي نقلي فيهن ٣ بصلات كبار مقطعين شرائح،دجاج فيليه مقطع مكعبات، ٣ جزر مقطعين دوائر،٣ بطاطا مقطع مكعبات، نضيف ٣ ملاعق كمون حب ونقلبن مع الخضار والدجاج لحتى تطلع ريحة التحميص نضيف ملعقة كبير توم مهروس وزنجبيل مهروس ونقلب…نضيف ملعقة كبيرة من ( كاري،كركم ،بهارات دجاج مسالا،ملح،فلفل).

نقلب المكونات مع البهارات جيدا لحتى يتحمر الدجاج والخضار نضيف علبتين حليب جوز الهند،وكاسة كريمة الخفق نغطي الطنجرة وبعدين منضيف كاسة بزاليا مجمدة وكاسة حمص مسلوق او معلب ونترك الطبخة تتعقد على نار هادية لمدة ٢٠ دقيقة وبعدين منطفي قبل التقديم منضيف حزمة كزبرة مقطعة ،ملعقتين كبار زنجبيل وتوم مهروسين تقدم مع خبز نان الهندي..او رز بسمتي مطبوخ بملح وفلفل وزبدة فقط..خطييييرة لازم تجربوها لذييييذة (shif.susu)