فتة دجاج ..بطريقة سهلة وكتييير طيبة

تعتبر الفتة من الأكلات التقليدية التي تقدّم كمقبّلات باردة بجانب الأطباق الرئيسيّة، كما يمكن تناولها كطبق رئيسي بسبب احتوائها على مختلف المجموعات الغذائية من كربوهيدرات، بروتين والدهون، كما تحتوي عادةً على الخضار، حيث يعتبر الخبز المحمّص المكون الأساسي لأيّ فتة مع إضافة التشريبات المختلفة

الطريقة:
٢فيليه دجاج شوحتن عالنار بشوية زيت مع ملح وفلفل وبهارات صحيحة(هيل ورق غار قرنفل عود قرفة) غمرتن بمي مغليه وبتركن نص ساعة على نار وسط لحتى تستوي بعدين بطبخ نص كاسة رز بنفس مرقة الدجاج مع رشة بهارات مشكلة…
تتبيلة اللبن متل اي فتة:نص لتر لبن زبادي عصير ليمون سن توم مهروس طحينة ملح …
بحط بسفل البايركس رغيف خبز مفرود قطع صغار مشوي او مقلي…وببدأ بطبق الفتة…
خبز..رز ..مرقة دجاج..لبن..قطع الدجاج ..بزينه ببقدونس ورمان وطشة سمنة ومكسرات وصحة وهنا (shif.susu)