رولات المسخن بطريقة سهلة وبتاخد العقل

اول شي منسلق دجاجة كاملة مع بهارات صحيحة وبصلة وممكن سلق صدور فيليه نص كيلو ..
-بكمية كبيرة زيت زيتون منقلي ٣ بصل كبار مقطعة جوانح رفيعة مع ملعقة ملح لحتى تدبل منضيف الدجاج المفصص منقلبن سوا ومنضيف معلقتين كبار سماق ومعلقة فلفل رشة عصرة ليمونة وصنوبر محمص وكاسة من مرقة سلق الدجاج ..

منغطي عليها ومنتركن يتشربوا النكهات ربع ساعة …
جبت خبز صاج قطعت كل دائرة مثلثات..
حشيتها ولفيتها.. صفيتن بالصنية وسقيتن مرة تانية بمرقة الدجاج وآخر شي دهنتن زيت زيتون وشويتن بالفرن من فوق وتحت…قدمته مع صوص لبن وطحينة وتوم وليمون ورشة ملح لذيييييذة (chef.susu)